Tum thamm kyunn nahin jaati..

Vo nibhaati rahi hai saath mere hone se
Basi hai mujhme.. par naa jaane kis kone mein
Roz koshish karti rahi hu usey pakad lene ki..
Vo fisalti rahi..kabhi mere jagne.. to kabhi mere soney mein
Har roj aainey mein dhhuundha hai aankh bhar bhar ...
Aur chhuuti hui ko dhhuundha hai puraane khilaune mein..
Uff...tum kabhi thamm kyun nahin jaati ho
Dheere dheere chali jaati ho.. maut ke bichhaune mein ...
Ta'Umr chaaha hai tujhe ae umr ...
Tum chhod kar saath.. beet jaogi mere aakhiri baar sone mein ..